Bilang isang rehistradong Kooperatiba sa Cooperative Development Authority (CDA) sa Pilipinas, ang nabanggit na ahensya ay may panuntunan na ang isang Kooperatiba ay dapat maglaan ng 10% Reserbang Pondo para itustos sa mga di inaasahang pangyayari tulad ng pagkalugi (Bankruptcy). Sa mga nag-iimpok sa Kooperatiba, ang kasiguruhan na sila ay mabayaran ay garantisado sapagkat sa kanila kauna-unahang itutustos ang 10% Reserbang Pondo ng Kooperatiba. Sila rin ang kauna-unahang makikinabang at babayaran ng Kooperatiba sakaling malikom ang lahat ng pera sa nabentang mga ari-arian ng Kooperatiba.